A banda viguesa Basanta actuará o sábado 4 de maio en La Iguana (Churruca, 14) ás 23.30h

O grupo musical alzouse co premio do público ao mellor videoclip por Inferis na pasada edición do Primavera do Cine

As entradas poderanse mercar anticipadamente en Discos Elepe, Honky Tonk Discos e a través da web Wegow

O enigmático grupo vigués Basanta actuará na VIII edición do Primavera do Cine en Vigo o 4 de maio en La Iguana Club, ubicado na rúa Churruca, 14, a partir das 23.30.

A banda, formada por Sol, Azufre, Sal, Tierra y La Santa, os apodos dos seus cinco compoñentes, ofrecerá un concerto cheo de misterio e rock psicodélico combinado con folk, pop, rock e melodías setenteras cun certo toque indie que, sen dúbida, será un verdadeiro fin de festa antes da gala de clausura do festival e a entrega de premios.

As entradas poderanse adquirir de forma anticipada por 8€ en Discos Elepé (Doutor Cadaval, 35) Honky Tonk Discos (Falperra, 18) e na web Wegow. Por suposto, tamén haberá opción de mercalas na propia taquilla de La Iguana a un prezo de 10 €.