Sinopse
Agbogbloshie, un suburbio de Accra, Ghana, é o destino final de moitos dispositivos electrónicos inservibles procedentes dos países desenvolvidos. É un dos lugares máis contaminados do mundo. A meirande parte dos seus 20.000 habitantes dedícase ao desmantelamento destes equipos expoñéndose a materiais altamente tóxicos cada día. Este documental céntrase na vida de 3 dos seus habitantes, inmigrantes da Rexión Norte e pertencentes á minoría dagombe.